عـــيـــنـى .. عـــيـــنـــك

قدرت إحصائيات عالمية أن حجم عمليات الغش التجاري عالميا يمثل من 5 إلى 10% من حجم التداول التجاري العالمي أي

نحو 780 مليار دولار سنويا، في حين يبلغ حجم الغش التجاري في الدول العربية 50 مليار دولار .. بسيطة

وأشارت أرقام صدرت مؤخرا أن الخسائر المادية لقرصنة المنتجات والأفكار في أنحاء العالم خلال عام بلغت نحو 120

مليار يورو

وتشير التقديرات الأمريكية إلى أن 90% من الأفلام والموسيقى وبرامج الحاسب في الصين هي عبارة عن مواد مقلدة أو

منسوخة، وأن الشركات الأمريكية تخسر سنوياً مبالغ تتراوح بين 200 و250 مليار دولار بسبب عمليات القرصنة على

حقوق الملكية في العالم

يذكر أن الصين قامت العام الماضي بمصادرة أكثر من 73 مليون منتج مقلد، من بينها 18 مليون كتاب، 1.1 مليون

دورية ، 48 مليون منتج سمعي مرئي، و 2 مليون مطبوعة الكترونية، و 4 مليون إسطوانة لبرامج كمبيوتر طبعا دول

بس اللى نجحم فى ظبطهم غير اللى ماعرفوش يظبطوهم

السرقة بقت عينى عينك و بالملايين طيب أنا معتقد إن رجال أعمال غير شرفاء ممكن يعملوا كدة زى بتوع البنوك و

رؤساء مجلس إدارات الشركات و المؤسسات و البنوك و بعض المحافظين و بعض الوزراء ... لكن أن تصبح الدولة

نفسها هية اللى بتسرق و تنهب و تلهب و تغسل و هية اللى مشرفة على تجارة المخدرات و العملة الصعبة و الرقيق الأبيض

و الدقيق الأسود و هية اللى محتكرة التجارة و الصناعة و الزراعة و محتكرانا إحنا شخصيا ...

مشفتش أبدا ...

مــتــجــوز كــام

إحصائيات مصرية عن وجود 151 ألفاً و920 رجلاً متزوجاً من امرأتين ، بينما يوجد 8 آلاف و250 رجلاً يجمع بين

ثلاث زوجات ، أما عدد من يعيشون مع أربع زوجات 3 آلاف و242 رجلاً. والمتزوجين من امرأة واحدة 10 ملايين و13

ألفاً و380 رجلاً فقط!. ما نقدرش نلقى اللوم على بعبع العنوسة وحده عشان الدكتورة عزة سيد نبيل الباحثة بالمركز القومي

للبحوث الاجتماعية أوضحت من دراسة أعدتها أن هناك 800 ألف امرأة وفتاة في المجتمع المصري ، قبلن الوضع

كزوجة ثانية وثالثة ورابعة في بعض الأحيان، وأن هناك 30% منهن وافقن على هذا الوضع، بسبب الوصول إلى سن حرجة

يصعب معها وجود فرصة زواج ملائمة من رجل لم يسبق له الزواج، بينما 15% منهن وافقن على الوضع كزوجة ثانية،

بسبب الطلاق من الزوج الأول أو وفاته، و38% بسبب الفقر الشديد، أو الثراء الشديد، حيث تقبل المرأة الزواج من رجل

متزوج، للهروب من الفقر الذي تعيش فيه مع أبويها، ويحدث ذلك في المناطق الشعبية، حسب ما ورد بمجلة سيدتي و قد تطمع

المرأة في الإستفادة المالية، والحصول على الممتلكات من الرجل، فتتغاضى عن كونها زوجة ثانية له كمان وضحت الدراسة أن

هناك 15% من النساء وافقن على وضع الزوجة الثانية، بسبب الرغبة في الاحتفاظ بمعاش الأب أو الزوج الأول، وفي هذه الحالة

يكون الزواج عرفياً، وأن هناك 2% من النساء وافقن على الزواج من رجل متزوج بسبب إقتناعهن بتعدد الزوجات

يحصر الدكتور محمد عبد الوهاب، الباحث الإجتماعي المصري، الأسباب التي تدفع بعض الأزواج إلى الإرتباط بثانية أو ثالثة إلى عدة

نقاط :

< تغير المرأة بعد الزواج شكلاً وموضوعاً، مما يقلل من وهج أنوثتها. < الفتور العاطفي، رغم إحتياج الزوج للوجه العاطفي

في جميع الأوقات.< الإهمال المنزلي الذي يصبح علامة مميزة بعد سنوات من الزواج.< هناك تقاليد لبعض الأسر تعطي

الزوج قيمة إجتماعية حينما يرتبط بأخرى، وفي بعض المناطق الشعبية يُعطَى الزوج هذا الحق أيضاً. < توجد لدى بعض

الرجال أسباب وراثية جينية، تشعره بأن امرأة واحدة غير قادرة على تلبية رغباته كان لعدم إنجاب الزوجة الأولى، أو اقتصارها

على إنجاب الإناث فقط سبب جوهري للإرتباط بأخرى، وذلك رغم عدم مسؤولية المرأة علمياً عن تحديد جنس الجنين.

< بعض الأزواج يلجأون إلى الزوجة الثانية كنوع من إذلال الزوجة الأولى، وإجبارها على التنازل عن حقوقها شقة أو مؤخر

إن أرادت الإنفصال.< طلباً للدعم المالي يلجأ البعض إلى الزواج بثانية وثالثة، مع شرط واحد وهو أن تكون الزوجة ثرية،

ليستفيد منها. < ظاهرة جديدة بدأت تظهر في بعض المناطق العربية، التي تتمتع بوفرة السياحة بها، وهي الإرتباط بأخرى

للحصول على الجنسية. < نظرة بعض الرجال على أن الزواج الثاني أو الثالث حق مكتسب.

لأ الموضوع كبير ... كبير

الـعــريــس الـــصــيــنــي وصــل..

بعد أن صنعوا وصدروا كل شيء للعالم العربي والإسلامي من الأجهزة الإلكترونية والملابس، وحتي فانوس رمضان

وكعك العيد، بدأت الصين في تصدير الأزواج للعالم العربي لحل مشكلة العنوسة، خصوصا أن العريس الصيني يوصف

بأنه مخلص ولا يخون زوجته، كما أنه يفضل العربيات والأجنبيات بسبب إرتفاع مهور الصينيات وإنتشار الشركات

الصينية في العالم العربي

فقد كشفت أحدث إحصائية عن زواج المصريين من أجانب نشرتها صحيفة (لانتجلنت) الفرنسية ونقلتها عنها جريدة

الأهرام أن 49 راجل صيني تزوجوا من مصريات خلال عام واحد فـقـط ،

وقالت الإحصائية، التي لم تحدد الصحيفة الفرنسية مصدرها، أن مصر جاءت في أعلي قائمة الدولة العربية في هذا الزواج

الذي أصبح يطلق عليه الزواج السياحي ، والذي وصل عدده في الدول العربية بمن فيهم مصر إلي 40 ألف حالة زواج بين

عرب وأجانب رجالا ونساء

و الإحصاء الرسمى بيقول أن تكاليف الزواج بالمجتمع الصيني باهظة ، حيث يمكن أن يصل متوسطها إلى 72 ألف دولار

و الاستطلاع الذي نشرته مجلة "أخبار نساء الصين" جاءت نتائجه لتؤكد أنه جاء في المراكز الخمسة الأولى الرجل الثري

والكريم، ثم الرجل الذي يؤمن بالمساواة بين الجنسين وينبذ سلوك العنف ضد المرأة، الرجل قوي البنية كثيف الشعر، الرجل

العاطفي والحنون والرومانسي، الرجل المشهور الذي يشغل منصباً مرموقاً يتمتع بالسلطة والنفوذ والشهرة، وهنا تحديداً جاءت

مهن الطبيب والطيار والفنان في المراتب المتقدمة و طبعا المرأة المصرية طلباتها أقل من كدة بكتير

و الشعب المصرى طلع نكت كتير قوى على العريس الصينى دة

حيلاقوا العريس الصيني الرخيص دة فين ؟ على الرصيف ... وحا يشتغل كويس و بكفاءة و اللا لأ زى باقي المنتجات

الصينية الرخيصة واللي بتتعطل بسرعة ؟ وهل الولاد حايكونوا بصحة كويسة واللا مضروبين ؟ بـ 2.5 وتعال بص عريس

آخر جمال !!. حيعملوا لهم فترينات عرض؟ حايعيش و اللا حا يتكسر بسرعة .. الله يسامحك يا محمد يا هنيدى اللى تجوز

واحدة صينية لية بقى الراجل الصينى ما يتجوز واحدة مصرية !!!

طبعا دى أحد مشكلات العنوسة اللى المجتمع بيعانى منها حوالى 9 مليون عانس و مشكلة التعقيدات الكتير الى الأسر بتحطها

لجواز بناتها و المشاكل الإقتصادية اللى الشباب المصرى بيعانى منها و كمان مشكلة البطالة حوالى 3 مليون عاطل يعنى

المشكلة فعلا كبيرة و متشابكة و الله يصبحك بالخير يا حاج متولى

ســودانـي مـا بــيــنـــامش مـــن تـــســـع ســـنـــيــــن

مضت أكتر من تسع سنين و المواطن السوداني حامد مصطفى 47 سنة لم يتمتع بنعمة النوم رغم محاولاته استخدم عدة

أنواع من الأدوية المهدئة والمنومة والأعشاب الطبيعية للتخلص من أزمته لكن مفيش فايدة . وبدأ العد التنازلى فى عدد

ساعات نوم عم حامد عام 1996 إلى أن وصل إلى أقل من ساعة نوم في الشهر بعد ما كان بينام 6 ساعات في اليوم.

النوم يستحق إننا نهتم بيه لأنه يمثل ثلث عمرنا وبيأثر على التلتين الباقيين يعني لو سيادتك نايم معكنن حتصى معكنن طول

اليوم مش أنا اللي باقول كده دول العلماء والخبراء المختصين نايم فايق وسعيد ..تصحى فايق طول اليوم

طالما النوم قد كده مهم وبيأثر للدرجة دي.. يبقى لازم نهتم بيه جداً و نديله حقه من الاهتمام ونعرف إزاي ننام .. وننام على إيه

.. وإيه هيه أفضل أوضاع النوم .. وإيه مشكلات النوم .. ونلبس إيه لما نيجي ننام .. وإمتى نقرر ننام .. وننام فين

وعشان تنام النومة الصح وتحلم أحلام سعيدة ولذيذة إياك تنام و أنت قلقان من حاجة واللا عندك أرق لأنه من ألد أعداء النوم

عشان القلق هو أحد أسباب الأرق لأن القلق يخليك في حالة من الإحباط والتشتت يطير أجدعها نومة .

و نصيحة كمان أوعى تروح سريرك تنام عاليه ومعدتك ثقيلة وداببها أكلة متينة وكمان إياك تروح لسريرك والمثانة منفتخة

وكلها قابلية للتبول وعايز كمان تروح لسريرك وتديها أحلى نومه من غير مشاكل ياريت متكونش مناخيرك مسدودة ولا عندك

أي ألم في أي حتى في جسم حضرتك عالج مرضك ده الأول وعالج ألمك وبعدين أنعم بنومة جميلة

وعشان تنام بدون أي مشاكل لازم تتأكد من عدم وجود ضوضاء تزييأة باب .. صوت عقارب المنبه – خروشة قفل – زنة

ناموسة غلسة ولادبانة باردة – مكروفون بتاع الكلور وبتاع الجاز – صوت جرس الباب ولا رنة موبايل

وتيجي أهمية النوم إنك ممكن تدفع لغاية 1000 جنيه في اليوم عشان تنام في فندق أو شاليه أو شقة فاخرة يعني ممكن تقعد كل

النهار في الشارع لكن عند النوم لأ .. عشان كل ده قامت طبعا صناعات كثيرة مرتبطة بالنوم أولها وأهمها صناعة الأثاث

وصناعة المراتب و المفروشات و الإضاءات المتخصصة و الملابس و الديكورات و الستاير و المخدات و الأدوية و مستحضرات

التجميل ..كل دة عشان سيادتك تنعم بنوم عميق و ربنا يديمها عليك نعمة و الأخ مصطفى حامد مش محتاج كل دة .. الله يعينه و آهو

برضه وفر

مــتــرجـــم لـــنـــبــــاح الـــكــلاب

حتي يمكن لأصحابها فهم رغباتها ، يعكف علماء من المجر علي تطوير قاموس إلكتروني يسعي إلي ترجمة نباح الكلاب

اللى بتتوصف بأنها أوفي صديق للإنسان . وحلل العلماء ستة آلاف نبحة للكلاب توضح طلباته أو ملاحظاته أو المطلوب منه

أو أى حاجة تخصه أو تخص صاحبه

شوفوا الإهتمام المجرى وصل لغاية إن الصفوة عندهم و همة العلماء عايزين يعملوا إيه !! عايزين يسهلوا على البنى آدمين

اللى عندهم و يترجملهوم لغة الكلاب بتاعتهم لأ .. دول وصلوا لست آلاف نبحة مختلفة كمان و دلوقتى بيحللوها تطلع إيه

أنا شخصيا معرفش إلا هو هو و يمكن هو هو هو و بس ... أما العلماء دول .. عليهم حاجات غريبة يا جدعان

نفسى أغمض عينى و أفتحهم ألاقى فيه قاموس بيترجم حاجات الإنسان يعنى .. يعنى إيه أكل و شرب و لبس و نوم مطمئن

و يعنى إيه حرية ... يعنى إيه عدالة .. يعنى إيه أسنان مشط ... يعنى إيه تفوق ... يعنى إيه نجاح ... يعنى إيه أمل ...

يعنى إيه تخطيط ... يعنى إيه إدار ة ... يعنى إيه تنمية بشرية ... يعنى إيه إنتاج ... يعنى إيه إحترام ... يعنى إيه .. يعنى إيه

للأسف كل حاجة عايزة قاموس مترجم و بمناسبة يعنى دى .. إفتكرت نكتة واحد صاحبى متعرفهوش قاللى عليها إتسأل

سؤال ( إيه رأيك فى أكل اللحمة ؟ ) فأجاب المصرى : يعنى إيه لحمة و أجاب السودانى : يعنى إيه أكل و أجاب العراقى :

يعنى إيه رأى

بـــصـــل مـــن غـــيـــر دمـــوع أحـــمــدك يــا رب

..كثيرا ما تعاني الستات من تقطيع البصل الذي يسبب حرقان شديد ودموع في العين فأخيرا نجح علماء من نيوزيلندا في

التخلص من المادة التي تسبب الدموع عند تقطيع البصل أو تقشيره. وأضاف العلماء أن طرح هذا البصل في الاسواق

يستغرق نحو 10 سنوات على الأقل.

طبعا دى بشرى سعيدة لكل ستات العالم العربى و الإسلامى اللى بيخشوا المطبخ أصلا .. بس اللى عندهوم شغالات

فليبينيات أو هنديات أو سريلانكيات مش حا تفرق معاهم خالص إنهم يخلوا البصل ما ينزلش دموع أو التوم يبقى من غير

ريحة أو الرنجة و الفسيخ منزوع النتانة أو التفاح اللى هوة نفسه لما تيجى تقطعه يقعد يعيط على صدرك و على بقك

واللا المنجة لما تيجى تلتهمها على الحوض تقولك على مهلك واحدة واحدة

البحث العلمى مش حا يخلص و مش حا ينتهى من دنيتنا إلا لما القيامة تقوم عشان دى سنة الحياة عمل و بحث و

ملاحظة و تدقيق يا ريت بقة علماءنا يتحركوا شوية و يعملولنا حاجات حلوة كدة بطيخ من غير بذر .... موز من غير

قشر ... خيار من غير هرمونات .... فراولة اللى ريحتها كانت بتجيبك من آخر الدنيا .... بطاطس من غير بودرة ...

شاى من غير تراب .... سكر من غير دقيق .... عيش من غير صراصير ,... فول من غير سوس ... طماطم من غير

دود ... مية من غير جراثيم ... مية معدنية بجد مش مية بحر متحلية و نسوا يحطوا السكر ... لبن من غير ما يتغش

نفسنا فى البطيخ النمس بتاع زمان و طعم زمان ... نفسنا فى الجزر الأحمر بتاع زمان و طعم زمان ... نفسنا فى اللحمة

بتاعة زمان و طعم زمان من غير لحم الحمير و الكلاب ... نفسنا الزمن كله يرجع زى زمان

نفسنا فى أخلاق زمان .. و روح زمان .. و فن زمان ... و رجالة زمان ... و ستات زمان بس مش زمان قوى يعنى

و زمايل زمان ... و جيران زمان ... و قرايب زمان ... و لعب زمان ... و كل حاجة بتاعة زمان

تفتكروا الأمنية دى ممكن تتحقق

شــــرطــــة بــتــلــضـــم الإبــــــر

استنجدت سيدة في نيوزيلندا بالشرطة لمساعدتها على إدخال خيط بإبرة عشان تكمل عملية الخياطة، و تلحق حفلة قريبتها

إلا إن رجال الشرطة لم يجدوا رد على المكالمة سوى أنهم لا يملكون المهارة المطلوبة لإدخال الخيط في الإبرة.

و الله ست عسل قوى لكن هية اتصرفت بشكل تلقائى فى بلدها إن أى مشكلة تقابلها تتصل بأى حد يساعدها فلم تجد أقرب إليها من

الشرطة الحنينة الرقيقة اللى أول ما تقفل السكة حيكونوا عندها فورا ... دماغى لف و نمت و رحت حالم حلم اللهم اجعله خير إن أنا

كنت فى الحمام باخد دش سريع و فجأة لقيت البليعة اتسدت مع إنى منزلتش وحاشة كتير.. قمت لبست البشكير و رحت على التليفون

و طلبت الشرطة الحنينة بتاعتنا و حياة أبوكم البليعة بتاعتى اتسدت فلو سمحتم إتنين من الأمن المركزى ييجوا يعملوا اللازم بس

بسرعة عشان ماخدش برد و أنا لسة بالبشكير و طالع من سخن لبارد ... و فى لمح البصر لقيت من الشباك تلت عربيات أمن مركزى

لابسين أسود x أسود مع إن الحلم لازم يكون أخضرx أخضر أو أبيض xأبيض و طلعوا على طول على شقتى و راحوا رازعين

الباب برجليهم و هات يا ضرب و تسليك فى كل حاجة موجودة .. المكتبة و الدواليب و الحلل و الإزاز و المطبخ و كراسى السفرة ...

يا جماعة البليعة فى الحمام بصراحة ما خلونيش أتكلم كتير و راحوا على طول على الحمام و يا هات يا تكسير ها... هى .... هو

و بكل همة و نشاط و الظابط مبسوط و عمال يشجعهم و يقول اللى حا يسلك أكتر حاياخد يومين أجازة زيادة .. إيه يا جماعة انا

طلبت تسليك البليعة اللى فى الحمام لقيتكم سلكتوا كل حاجة و الله دة كتير يا جماعة و تلاتة بالله العظيم ما أنا طالب حاجة منكوا تانى

و يخرب بيت اللى يتصل بيكوا تانى كان يكفينى إنكم تقولوا زى الشرطة بتاعة نيوزيلندا ماعنديناش المهارة دى ... رد على الظابط يا

حبيبى إحنا عندنا كل المهارات التسليكية اللى تتوقعها و اللى متتوقعهاش
أمت صاحى من النوم و حمدت ربنا إن أنا كنت باحلم و مكانش حقيقة فتحت التليفزيون لقيت نشرة أخبار بتقول ... سيدة فى

لندن تطلب الشرطة لمساعدة قطة طلعت شجرة و معرفتش تنزل و قعدوا يحاولوا 5 ساعات لغاية ما نجحوا فى مهمتهم

و اللا الراجل اللى اتصل بالشرطة لمساعدة كلب بيغرق فى شلالات نياجرا اللى بتفصل كندا عن أمريكا قعدوا يحاولوا 10 ساعات

كاملة لغاية ما جابوا طيارة هليوكوبتر و أنقذوا صاحبنا الكلب

أمال لما بنى آدم يكون فى مأزق حايعملوا إيه

آيـــــوس .. قــــنـــــاة الــــــمــــــوت

في الوقت الذي تطلق محطات تلفزيونية للمنوعات وأخرى للرياضة وثالثة للموسيقى، ستطلق ألمانيا محطة تلفزيونية جديدة

" آيوس" ستتخصص فقط بتقديم برامج عن الموت والمقابر وإجراءات الدفن والمدافن، و كيفية التأمين والميراث ،

وتعمل أساسا على جذب نوعية بعينها من المشاهدين من المسنين والشيوخ

فكرة جديدة و عظيمة و كئيبة .. أنا كنت فاكر إن الموت علينا حق إحنا بس فى العالم العربى و الإسلامى لكن طلع عليهم

همة كمان حتى لو كانت الفكرة تجارية بحتة إلا أنها بتحمل قدر من إحترام الناس فى السن دة بس أنا عايز أقول للمسئولين

عن الفضائية دى إن الموت مش للمسنين بس و لا الشيوخ بس دة الشباب و الأطفال ممكن يموتوا الأول بس أنا عاجبنى

فكرة الإهتمام بالشريحة العمرية دى اللى هية دايما منسية فى بلادنا .. و دايما جايين عليهم ... و دايما بنسرق فلوس التأمينات

بتاعتهم بدل ما نزودهالهوم

أنا متخيل الإعلانات بتاعتهم من نوعية اختار جنازتك يا باشا ... شاور لى على المدفن اللى يعجبك تكون جواه فورا ...

اشترى مدفنين و خد جثة هدية ... عليك الموت و علينا دفنك .... قبل الموت لازم تشرب نبيذ الحصان ... اتعارك مع إبنك

أو بنتك على راحتك إحنا موجودين ... رحلة لن تنسى فى ربوع مقبرتك ... صوات .. شرشحة .. عياط .. هتاف .. كله

موجود .... وانتة فى غيبوبة الموت اتصل بالرقم دة أوعى تموت قبل ما نجيلك

القناة دى تعد طول اليوم تذيع أخبار الكوارث الطيارات اللى وقعت و القطارات اللى دخلت فى بعض و الأتوبيسات اللى

وقعت فى المصارف و المستنقعات و الترع و المسارح اللى اتحرقت فيها الناس و حوادث المرور اللى بيروح فيها كل يوم

بالمئات و عرض مستمر لحروب الأمريكان فى العراق و أفغانستان و الكويت و فيتنام

و على فكرة ممكن نورد أفلام كويسة جدا للمواضيع دى و تزهزه معانا عشان الأفلام اللى عندنا مش عند حد تانى

و طبعا الناس حتموت من الرعب لوحدها و تزهزه معاها و آهو زرق ناس على ناس و زرق الهبل على المجانين

الــــوقـــــت الــــضـــايــــع

في محاولة للحد من الوقت المهدر ، أطلقت الجمهورية البيروفية حملة وطنية لمكافحة التأخر عن العمل ، بعد أن أكدت الحكومة أن البيروفيين يضيعون سنويا 3 مليارات ساعة في التأخر وتكلف هذه الظاهرة البلد سنويا ما يقارب 5 مليارات دولار ، وهو ما يدفع إلى التفكير الجاد في إنشاء شرطة لمراقبة الوقت ..فكرة كويسة حتى لو منجحتش 100% يبقى عملت أثر كويس على الإنتاج اللى بيتحسب اليومين دول بالفيمتو ثانية و إنشاء شرطة لمراقبة الوقت الضايع اللى بيضيع فى المؤسسات الحكومية دة فكر جديد تماما على دول العالم التالت اللى يكفيه الإشارة و شد الودن بس و يعتبر كمان سبق كبير إنهم يفكروا بطريقة مفيش حد غيرهم فكر فيها ...
حتى لو كلفهم الموضوع دة مليار دولار حيبقوا وفروا برضه 4 مليار هية الناس دى معندهاش عمالة زايدة تعمل الموضوع دة ... و لا يكونشى الشرطة دى من البطالة اللى عندهم و اللا الأمن هناك مستتب على الآخر فحياخدوا حبة من قطاع الأمن المركزى بتاعهم و يودوه على المصانع و الشركات بتاعتهم ... و اللا يكونشى الشعب بتاعهم ما بيجيش الا بالشرطة السودة و العين الحمرة و العصاية الزرقة و الإيد الطرشة و البوكس الأعمى و الشلوط الأخرس
مايكونوش زينا ... لأ همة أحسن عشان فكروا فى مشكلتهم و حطولها حلول إنما الدور و الباقى علينا إحنا اللى الجهاز المركزى للتعبئة و الإحصاء قال قبل كدة إننا بنشتغل فى اليوم 27 دقيقة بس ... أى و الله 27 دقيقة فى اليوم .. اللى هوة المفروض 8 ساعات يعنى 480 دقيقة يعنى بنشتغل حوالى 6% من الوقت المخصص
دة فى ماتشات الكورة لما بيكون فيه وقت ضايع الحكم بيحسب الوقت دة و بالكامل يعنى 4 دقايق .. 5 دقايق عايزين حكم كويس يحسب كل الوقت الضايع فى مؤساساتنا و اللعيبة تشتغلهم ... أقصد العمال تشتغلهم .. رد علية واحد و قاللى بخبث همة فين العمال دول دى الحكومة طردتهم من الملعب خالص و بعدين باعت الملعب دة باللى فيه حتى الجماهير و النجيلة و خلت بس الجهاز الفنى بتاعها

يا رب يــوافـــقــــــوا

وافق وزير العمل في الحكومة السعودية على القيام بدور سفرجي  في يوم الضيافة الذي تنظّمه الغرفة التجارية في جدة في اَخر أبريل

الحالى بمشاركة أصحاب المطاعم ، حيث سيقف  الوزير الدكتور غازي القصيبي على الترابيزات ليسجل طلبات  الزبائن وذلك لتشجيع

الشباب السعودي على العمل في هذه المهنة،  وتغيير نظرة المجتمع إليها.

و الله فكرة مدهشة و انا أتفق تماما مع الإتجاه دة إن المسئولين  يكونوا مصحصحين للأعمال اللى حاتفيد البلد و تفيد الشباب و بالتالى

تجيب نفع للبلد سواء مادى للشباب و سياحى و خلافه للبلد  عايزين بقى نشوف وزراء العالم العربى بيعمل زى الدكتور غازى

و لابسين لبس العمال و الفلاحين و عمال النظافة و لابسين زى  الميكانيكية و النجارين و السباكين و الخياطين و لابسين زى

الكمسارية و البنايين و السقايين عشان يقولوا للشباب بتاعهم ان  الشغل مش عيب و ان لبس الشغل مش عيب و إنه مش عيب لما

أجرى على أكل عيشى و زرق عيالى مش عيب إنى أتعب و اتبهدل طالما باكسب زرقى من عرق جبينى و باكسبه بشرف و

أمانة ... المهم إن الشباب اقتنع بالفكرة دى و جارى الآن إقناع وزراء العالم العربى إنهم يلبسوا و شد حيلك معانا يا دكتور غازى

مــخـــلــــوع و الــلا مــتــثــبـــت

كشفت إحصاءات الجهاز المركزي للتعبئة والإحصاء أن مصري ومصرية بيتطلقوا كل ست دقائق أي أن 88 ألف زوج وزوجة

نفصلان كل عام. وأضافت الإحصائية إن هناك 12 ألف حكم بالخلع كل عام حيث أكد الدليل الإحصائي لوزارة العدل السعودية أن نسبة

الطلاق في المملكة تبلغ ‏24% بمعني أن كل ثلاث حالات زواج يقابلها حالة طلاق. و يقاربها المغرب 23%

‏ أما الكويت و قطر فتشهدان وصول نسبة الطلاق إلي ‏35%‏ أي يحدث طلاق كل ساعتين و‏45‏ دقيقة و أقل نسبة فى العالم العربى

موجودة فى فلسطين و ليبيا 5 % فقط

‏و يقبل الزوج على الطلاق للمبررات التالية : 32 % الزواج من امرأة أخرى - 24 % عدم إنجاب الزوجة – 21 % تدخل الأهل -

14 % تعاطي الخمور وإهمال الأسرة - 16% الطلاق التعسفي - 9 % العلاقة بامرأة أخرى – 3 % البخل – 9 % مرض

الزوجة

طبعا دى مصيبة كبيرة لوطننا العربى الكبير من المحيط الى الخليج و الأسباب كتير قوى منها قلة الوازع الدينى و صعوبة الحياة

الإقتصادية و الإعلام السلبى و الهدام و رغبة الزوج الزواج من أخرى‏ وعدم التوافق بين الزوجين، ويشمل ذلك التوافق الفكري

وتوافق الشخصية والطباع والإنسجام الروحي والعاطفي‏ ومنها الملل الزوجي بسبب رتابة الحياة اليومية وتكرار نفس السيناريو كل

يوم دة إحنا اللى ربنا إصطفانا على كل الأمم و فضلنا على سائر الأجناس و كنا طول عمرنا متمسكين بالحياة الأسرية القويةو كانت

جبهتنا الداخلية من أقوى و أمتن ما يمكن ... إيه اللى حصل لينا لازم نعرف السبب عشان نعالجه و لازما نساعد بعض اللى عارف

ينصح اللى مش عارف ... شيوخنا يتحركوا شوية و ينزلوا للناس ... جمعيات الاصلاح تنشط شوية ... لجان المصالحات تفوق

شوية ... رجال الأعمال تبحبح إيديها شوية عشلن تسند البيوت اللى قربت تنهد على دماغ صحابها ... الأزواج تهدى شوية و تفكر

كتير فى عيالها و مصالحهم قبل ما يفكروا فى نفسهم ... و الزوجات تلاين أمورهالا شوية و تخلى المركب ماشية بدل ما تقع و تغرق

الناس كلها يا ناس .... الطلاق خراب بيوت مستعجل

و كله كوم و طلع لينا الخلع من تحت الأرض أعوذ بالله منه و كله يخلى باله دة الخلع أقرب ليك من رباط جزمتك
‏

قـــمـــلـــتــــك إيـــــه

قد تكشف مقارنة بين قملة الرأس وقملة الجسد عن تاريخ إرتداء الانسان للملابس

وقال فريق من الباحثين، نشروا دراستهم في دورية جميلة إسمها "كرنت بايولوجي"، إن الانسان ربما بدأ في إرتداء الملابس لأول

مرة منذ 72 ألف عام، زائد أو ناقص 40 ألف عام

وبنى الباحثون حسابتهم على أساس أنه يمكن التفرقة بين الكائنات من البيئة التي تعيش بها وتطور نفسها لتتكيف معها

فبينما تعيش قملة الرأس على فروة الرأس، تفضل قملة الجسم الحياة في الأماكن التي تغطيها الملابس الناس دى مش عاتقة و نازلة

بحث و تدقيق فى كل حاجة حتى القمل لأ .. و قمل الملابس و اللا قمل الراس

أنا شخصيا أول مرة أعرف ان فيه قمل ملابس انا عارف قمل الراس شكله مقرف و قمىء دول عرفه الكلام دة و زيادة عليه عايزين

يعرفوا امتى البنى آدمين لبسوا الملابس طب ان شاللا ما عرفوا يعنى حا تفرق إيه لما يعرفوا ان الناس لبست اللبس دة سنة 2000

و اللا سنة 1000

لكن شوفتوا البحث ... لأ شوفتوا حب البحث و الترقب ... طيب سيبوا القمل بتاع الهدوم وبتاع الراس حد فى العالم العربى بيفكرفى

وسيلة ترفيه جديدة... و اللا وسيلة مواصلات مريحة و رخيصة.. و اللا وسيلة ردع حنينة و مخيفة لعدونا ... و اللا أى حاجة مفيدة

للوطن مربحة و بسيطة و سهلة الإستخدام من غير كتالوج

ميزانية البحث العلمى فى العالم العربى مضحكة في عام 2004 قدرت إحصاءات اليونسكو أن الدول العربية مجتمعة قد خصصت

0.3% من الناتج القومي الإجمالي، في حين أن الإنفاق على البحث العلمي في إسرائيل (ما عدا الإنفاق على الحقل العسكرى)

يوازي 3% من إجمالي الناتج القومي يعنى لما ندخل البحث بتاع الجيش ممكن النسبة دى تتضاعف في ميدان البحث العلمي نجد أن

هناك 363 باحثا في العالم العربي لكل مليون نسمة ، بينما بلغ عدد الباحثين في إسرائيل 5 آلاف باحث لكل مليون نسمة ودى أعلى

نسبة في العالم بعد اليابان حيث وصل هذا المعدل إلى 5100 باحث ، وتنفق إسرائيل سنوياً أكثر من 581 مليون دولار على البحث

والتطوير فقط ، وتوفر للباحث أعلى ميزانية فردية تصل إلى أكثر من 63 ألف دولار سنوياً

شوفتو الخيبة اللى إحنا فيها الناس كلها خيبتها سبت و حد و إحنا خيبتنا موردش على حد

يا طخينة !!!

كلمة متحبش ستاتنا فى العالم العربى تسمعها رغم انها حقيقة و هية عارفاها لكن مش عايزة حد يفكرها بيها او يعايرها بيها

فيه بحث لأكاديمية البحث العلمي بالقاهرة عن انتشار البدانة بين السيدات والفتيات في العالم العربي خلال السنوات الأخيرة

بدرجة ملحوظة أكثر من الرجال، وتتراوح معدلات انتشار السمنة بين السيدات من قطر إلى آخر داخل عالمنا العربي، فالعُمانيات

هن أكثر السيدات سمنة، حيث يصل المعدل هناك إلى 64% من السيدات، تليهن سيدات مصر بنسبة 49%، ثم سيدات الكويت

42%، والبحرين 40 %، والإمارات 38%، و37% في السعودية، وجاءت سيدات لبنان الأفضل من ناحية الرشاقة؛ حيت

تتدنى نسبة البدينات في لبنان إلى 27% من إجمالي النساء و هن من أرشق سيدات العالم العربى

أما الرجال فتشير الدراسة إلى أن رجال الكويت هم الأعلى في البدانة بنسبة 15%، ثم رجال البحرين بنسبة 14%.

وتشير الدراسة إلى أن أهم أسباب إصابة سيدات العالم العربي بالسمنة مقارنة بسيدات أوروبا وأمريكا هو الإفراط في تناول

الطعام مع قلة الحركة والنشاط خاصة في دول الخليج العربي التي تتميز بصيف طويل حار يمنع ممارسة الأنشطة الرياضية إلى

جانب طبيعة المجتمع الشرقي التي تنظر بطريقة سلبية إلى ممارسة المرأة للرياضة دة غير انتشار الأجهزة المنزلية الكهربائية

التي تقلل من الجهد الذي تبذله المرأة عمومًا أثناء أداء الأعمال المنزلية

ومن أسباب زيادة معدلات السمنة أيضًا - كما تكشف الدراسة - انتشار ظاهرة الفلبينيات في منطقة الخليج العربي، واعتماد

المرأة الخليجية على الخادمة في القيام بالكثير من الأعمال المنزلية

وأهم ما يلفت النظر في الدراسة هو أن السمنة تكون مصاحبة لفقر الدم في سيدات العالم العربي، مما يدل على أنهن يتناولن

كميات كبيرة من عناصر غذائية لا تحتوي على العناصر الهامة مثل الحديد وحامض الفوليك، وأوضحت الدراسة إنه لازم تقوم

الحكومات العربية بنشر التثقيف الصحي من خلال التليفزيون وكل وسائل الإعلام، وإضافة معلومات غذائية في مراحل التعليم،

للتأكد من تناسق هذه البرامج مع حاجة المجتمعات من الغذاء والتغذية، وتشجيع إنشاء جمعيات أهلية تحارب السمنة بين

السيدات

أصل الصحة دى ثقافة و الرشاقة ثقافة و الجسم الممشوق ثقافة و الأكل المتوزان ثقافة إيه دة كل حاجة ثقافة ... ثقافة

أيوة عشان المنظومة اللى إحنا فيها بايظة و السلوك داخلة فى بعض و كل حاجة فيها مشكلة تروح لأى مصلحة و هية إسمها

كدة عشان بتنقضى حاجة الناس فيها لكن المعنى دة غاب و بقت بتندفن مصالح الناس او بتتأجل و تتسوف

انا حاشوف مصالحى و مشاكلى و أكل عيشى و اللا حاشوف آكل أكل متوازن عشان السمنة و البدانة و اللا النحافة و الرشاقة

و بعدين أنا بافكر أجيب حاجة للعيال تاكل و اللا حا فكر الحاجة دى فيها فيتامين إيه و لا أبصر إيه

بس يا سيدى لسة في حاجة رخيصة اسمها جرجير و كرات و بقدونس و كابوتشى لسة فيه برتقان و سفندى رخيص ينفع

برضه فين البرامج التليفزيونية اللى بتوضح دة للناس ... فين الجمعيات النسائية اللى بتحارب السمنة بين بنات جنسهم

لأ ... البرامج بتذيع إنجازات الحزب دة ... و طموحات الرئيس دة ... و أهداف الحكومة دى .... شوفت وزير أو محافظ إتكلم

فى الموضوع دة قبل كدة .... شوفت حزب حاطط دة فى برنامجه ... شوفت أى مسئول طرح دة على أى مستوى ... أنت عبيط

فيه حد يتكلم عن خفايا البيوت و أسرارها على الملأ كدة ... بيوت أسرار إيه يابا دة الناس كلها شايفاها و هى نازلة

تجيبحاجتها

قولوا حاجة الله يخ ... الله يعمر بيتكم

موتة إنحباسية إنما حلوة قوى !!!

طالعتنا رويترز بخبر جميل إن كوستاريكا وهي دولة رائدة في السياحة البيئية وموطن لبعض أندر الكائنات الحية في العالم

زرعت الشجرة رقم 5 ملايين لعام 2007 في إطار محاولتها للحد من ظاهرة الاحتباس الحراري و هى عبارة عن إنبعاث غازات

مثل ثانى اكسيد الكربون فترتفع درجة الحراراة 10 درجات فيذوب الجليد فيرتفع منسوب المية فى البحار فتبقى كارثة يعنى

غرق محافظات و مدن و خلافه و دى ممكن كمان تعمل كارثة انتشار الأوبئة بين الحيوانات والنباتات البرية والبحرية مع زيادة

مخاطر انتقال  هذه الأمراض إلى البشر .

وغطى اوسكار ارياس رئيس كوستاريكا جذور شجرة البلوط بالتراب في حديقة مكتبه تعبيرا عن الحدث الهام في جهود الدولة

لتفادي ما  يقول بعض الخبراء انها اولى علامات التغير المناخي

وقال روبرتو دوبليس وزير البيئة انه بحلول نهاية العام الجاري نأمل ان تزرع سبعة مليون شجرة في 2008 لتمتص 111

طنا من ثاني اكسيد الكربون سنويا و تسعى كوستاريكا الى تقليص صافي انبعاثاتها من الكربون الى صفر وحددت لذلك تاريخا

مستهدفا هو2021

يعنى الموضوع كبير فعلا و ممكن ييجي علينا فعلا و هوة جى بالتأكيد و على فكرة ما زرعناش و اللا شجرة

أولا : ماينفعش نزرع لأن عندنا حركة معمار عملاقة فى طول البلاد و عرضها خاصة فى الاسكندرية و أسمنت و حديد و زلط

مغرق الدنيا فحنزرع فين

ثانيا : دة احنا بنقلل المساحات المزروعة أصلا و بنقول للفلاحين ما تزرعوش قمح و لا قصب عشان الارهابيين ما يستخبوش

فيها يبقى عايزنا نزرع فى المساحات الاسمنتية و الزلطية طب إزاى

ثالثا : إيه الرفاهية دى 5 مليون شجرة و اللا 10 مليون شجرة الشعب عايز ياكل و يشرب و يشتغل .. إنما الموت بالإنحباس

الحرارى دة حاجة بتاعة ربنا و إحنا راضيين بقضاؤه و قدره و اللا انتو معترضين على قضاء ربنا و العياذ بالله

رابعا : ما سمعناش عن الموت بالإنحباس الحرارى دة إحنا واخدين على الموت بالغرق بتاع العبارات و الموت بالحرق بتاع

المسارح و الموت فى حوادث القطارات و الطائرات و العربيات لكن الموت بالإنحباس دة و الله فكرة حلوة خلى الشعب يجربها

عشان مايبقاش نفسه فى حاجة

و إحنا حا نبذل كل طاقتنا اننا نوفرهاله مجانا عشان محدش يكلف نفسه و آدى الفاتحة مقدما

مرحاض سعيد ... حياة سعيدة

كان دة شعار اليوم العالمي للمراحيض والذي أقيم في بانكوك بتايلاند في 2006 وقد حدد هذا اليوم من قبل

" المنظمة العالمية للمراحيض" والتي أنشئت في سنغافورة عام 2001 وضمت ما يقرب من 17 منظمة حول العالم من روسيا

وأمريكا مرورًا بأستراليا واليابان، وتهدف إلى تحسين وضع المراحيض عالميا والتوعية بالعادات والسلوكيات الصحية السليمة

قدم في هذا المؤتمر ما يقرب من 25 بحثًا خلال يومين، وشارك فيه ما يقرب من 450 مشاركا مفوضين من 50 منظمة من

المنظمات الحكومية وغير الحكومية قادمة من أمريكا، وإنجلترا، والنرويج، وأستراليا، وألمانيا، والهند، وهونج كونج، وإندونيسيا،

والصين، وتايلاند، وسنغافورة، وجنوب إفريقيا، وماليزيا، وبنجلاديش

والجدير بالذكر أن هناك أيضا كلية دولية للمراحيض افتتحت عام 2005 من قبل المنظمة؛ وذلك للاهتمام بالتصميم والنظافة

والصيانة الخاصة بالمراحيض، وهي تقدم برامج تدريبية مفصلة عن التصميمات والصحة البيئية وجميع ما يخص المراحيض

أطلقت منظمة أوكسفام الخيرية في المملكة المتحدة حملة من أجل اقناع البريطانيين بإرسال 26 ألف مرحاض إلي 49 من دول

العالم الثالث كهدايا بمناسبة عيد الميلاد لهذا العام. وتهدف الحملة إلى منع انتشار الامراض المعدية مثل الكوليرا والتيفوئيد بسبب

الخلل الكبير في عمل شبكات الصرف الصحي

إيه اللى بيحصل دة يا جماعة حتى الكابينهات ليها منظمة دولية و دول و مؤتمرات و توصيات على فكرة الدول العربية مش مشتركة

فى المؤتمر دة و لا مشتركة فى المنظمة دى من أصله لان الشوارع كلها كابينيه كبير تحت الكبارى و على الحوائط و على البيبان

المقفولة و حتى لما حاولنا ننظم الموضوع شوية عملنا حمامات بس بفلوس فزودنا كابينيهات الشوارع و بقينا ان من مشاريع أعضاء

مجلس الشعب و المجالس المحلية و يخطبوا فيها فى الناس ان من أهم انجازاتنا لما ننجح اننا نعمل مباول و حمامات عامة بالذمة دة

كلام ناس عاقلة فى القرن العشرين أقصد القرن الواحد و عشرين

و لما دعبست عن سبب الموضوع دة ليه الحكومة سايباه من غير حل عارفين كانت الإجابة إيه إننا مش عايزين نقيد حرية المواطن

بتاعنا و نجبره إنه يقضى حاجته فى مكان معين لكن لازم نديله حريته إنه يعمل مطرح ماهوة عايز ... انتوا مش بتقولوا الحرية

الحرية طب آدى الحرية ... برضه مش عاجبكم

دة احنا كمان بنفكر نخلى أماكن خاصة فى الفضاء للستات لأن الرجالة واخدة حقها فى الموضوع دة لكن الستات لأ ... و إحنا ماضيين

على إتفاقيات و توصيات فى مؤتمر المرأة أنها زى الراجل تمام ... و إذا كان الراجل بيعمل اللى هوة عايزة فى الشارع يبقى لازما

الست تعمل زيه تمام ... شهر و اللا حاجة و نقر الكلام دة فى الحكومة و نختار الأماكن و الحارات و يبقى كله تمام

و سلم لى على منظمة التواليتات

حتى لعب الأطفال يا عالم !!!

بنظرة على أرقام إحصائيات اللى أُعلنت ضمن فعاليات المؤتمر العلمي السنوي لكلية رياض الأطفال لقينا الآتى :

متوسط اللعب التي يستمتع به الطفل الواحد في سن 6 سنوات في الدانمارك يبلغ 500 لعبة داخل المنزل .. أمال خارج البيت

كام !!! و تصدر تايوان لعب أطفال لأنحاء العالم بما قيمته مليار دولار

و فى اليابان 10% يبلغ سوق الإستهلاك الأمريكي للعب من سوق الاستهلاك العالمي 36 %

أما باقي دول العالم بما فيها دول أمريكا اللاتينية وأفريقيا 35% و فى دول آسيا (عدا اليابان والدول العربية الآسيوية) 13 %

أي أن الدول العربية تستهلك 6 %

ذلك بالرغم أن الأطفال العرب يشكلون ما يزيد عن 140 مليون نسمة هم نصف القاعدة السكانية للوطن العربي، في المقابل نجد

إسرائيل برغم تعداد سكانها الضئيل قياسًا للعرب تهتم بصناعة لعب الأطفال وتجتهد في هذا المجال؛ عشان تكون مركز الصدارة في

منطقة الشرق الأوسط، مستهدفة في ذلك المنطقة العربية، كي تغزوها بتلك الآلية "الخطيرة" المؤثرة في عقول وأفئدة الأطفال العرب

فنشطت فيها صناعة لعب الأطفال، دون منافسة أو خوف من خطر منافسة متوقعة حتى الآن ومعتمدة على مراكز بحوث لتفنين

وتصميم أشكال ومضامين ما يتصل بصورة مباشرة ومؤثرة بصياغة عقول وأفئدة الأجيال العربية الجديدة

يمكننا أن نشير إلى أن ألمانيا قد نهضت باقتصادها عقب الحرب العالمية الثانية على أكتاف صناعة لعب الأطفال، ثم انطلقت منها إلى

الصناعات الإليكترونية المعقدة و التى غزت بها العالم كله

والسوق العربية تعنى أسواق اثنين وعشرين دولة عربية تضم 300 مليون نسمة، وهي أسواق متعطشة لمثل هذا المنتج وتشتد

الحاجة إليه، نظرًا لاشتراك الدول العربية في الخصائص الثقافية والفكرية والحضارية واللغوية والبيئية الواحدة

ياعم لعب أطفال إيه و كلام فاضى إيه إحنا عندنا أزمة كبيرة فى كل حاجة ... أكل بالضرب و الشرب بالضرب و اللبس بالضرب

و الفسح بالضرب و الطلوع بالضرب و النزول بالضرب و تقوللى لعب أطفال

طبعا تخلف لأن اللعبة دى بتشكل عقل العيل و بتحدد طريقة تفكيره و بتحدد شخصيته و بتحدد ميوله المستقبلية و بتكشف مواهبه

الذهنية و بتقولك البلد فى الآخر رايحة فين من طريقة تربية عيالها

أنا ملاحظ ان كل حاجة مالهاش لازمة و مش مهمة و مش دلوقتى و إحنا فى مرحلة صعبة و فى مرحلة حرجة و فى مفترق طرق

و فى مرحلة دقيقة يعنى مش مكفيكم كل السنين دى بتعملوا فيها إيه حرام عليكم

أبو الهول أفندى

يبدو أن ظاهرة صمت الأزواج أصبحت شبه عالمية ؛ ففي تقرير لمجلة "بونته" الألمانية توضح الإحصائيات أن تسعة من كل عشر

سيدات يعانين من صمت الأزواج، وانعدام المشاعر بين الأزواج المرتبطين منذ أكثر من خمس سنوات. وتشير الأرقام إلى أن 79%

من حالات الإنفصال تكون بسبب معاناة المرأة من انعدام المشاعر، وعدم تعبير الزوج عن عواطفه لها ، وعدم وجود حوار يربط بينهم

طبعا الإحصائية دى ألمانى يعنى بيتكلموا عن الناس اللى عندهم بس أنا حاسس كأنهم بيتكلموا عن الناس اللى فى الوطن العربى

و يظهر ان المشكلة دى بقت عالمية... لكن اللافت إن ليه مفيش كلام بين الزوجين و همة اللى ما كانوش بيبطلوا كلام أيام الخطوبة و

أيام كتب الكتاب و كمان أوائل حياتهم الزوجية ... عارفين الحل إيه من وجهة نظرى الضعيفة إنهم يرجعوا فعلا لأيام زمان يعنى

نلبس لبس الخطوبة و نلبس لبس الزفاف و نحكى فى الحكايات بتاعة زمان يعنى ممكن نسرب الولاد عند تيتا أو طنط أو عمو أو أبلة

و نخرج لوحدنا حاطين إيدينا فى إيد بعض محدش عايز مننا حاجة و نروح على الكورنيش أو الجنينة و هات يا درة و جيلاتى و

سودانى و لب أن واثق أن دة حيبقى مفيد لعلاج ظاهرة أبو الهول

أنا عارف إن الهم وحش والدين هم و المشاكل هم .. لكن مش حا نعيش حياتنا كلها نكد وغم ... لو كان لازم أزعل أزعل على أد

المشكلة و فى وقت المشكلة بس يعنى عندى بكرة مشكلة لازم أزعل طبعا لكن بكرة مش النهاردة و لما ييجي بكرة أبقى أزعل و بعد

بكرة مفيش زعل عارفين إحنا ما بنعرفش نزعل و كمان ما بنعرفش نفرح ... زعلنا وحش و فرحنا برضه وحش عارفين لما بيعمله

الكاميرا الخفية فى بلاد برة بياخدوا الموضوع ببساطة و هات يا ضحك و فرحة و زأططة و فرفشة لكن فى الوطن العربى عايزين

نقطعه و نكسر الكاميرا و نجرى ورا الراجل فى مشهد مأسوى بايخ

و أنت يا زوج يجرى إيه لو وأنت راجع البيت مكلدم تحود على بتاع الورد ... بلاش على بتاع الشيكولاته ... بلاش على بتاع الطوفى و

المستيكة و الله حا تعمل أثر كويس جدا و سلام بقى على حضن خفيف و بوسة سريعة و ابقى قوللى على النتيجة

و انتى يا زوجة إحكيله المشاكل لما ياكل و يستريح شوية و انتوا بتشربوا الشاى فى البلكونة و اللا فى الصالة و اللا فوق السطوح

و الله حاتفرق جدا و ياسلام لما تساعديه فى قلع هدومه و جيبيله البيجامة و اللا الترينج و اللا القفطان و اللا الروب و قوللى على

النتيجة

أخيرا إحنا الأول هيييييييييييه

كشف استطلاع للرأي اجرته مؤسسة »بيبول« الامريكية ان المصريين أكثر شعوب العالم كراهية لحكومتهم .أجاب 13% فقط ممن

شملهم الاستطلاع بـ »نعم« في سؤال هل انت راض من اداء حكومتك؟.

و اكد الاستطلاع الذي اجري في 47 دولة ونشرت نتائجه علي موقع المؤسسة الالكتروني ان الشعب الكويتي في مقدمة الشعوب

العربية الاكثر رضا عن حكومته. اكد 79% من الكويتيين انهم راضون عن حكومتهم يليهم اللبنانيون بنسبة 61%

والفلسطينيون 52% والمغاربة 47% والاردنيون 45% والاسرائيليون 23%

واظهر الاستطلاع ان الفلسطينيين يليهم المصريون هم اكثر الشعوب تشاؤما بين دول المنطقة العربية بشأن اطفالهم، حيث قال 24%

من الفلسطينيين و43% من المصريين ان مستقبل ابنائهم سيكون اسوأ حالا

واشار الاستطلاع الي ان مصر هي ثاني دول العالم من حيث شعور سكانها بالامان حيث يشعر بالخوف 16% فقط من جملة من

شملهم الاستطلاع وتأتي في المرتبة الاولي فلسطين حيث يشعر 8% فقط من سكانها بالخوف. في حين جاءت الكويت ثاني دول العالم

بعد اسرائيل قلقا وخوفا من ايران

الرضا عن الحكومة الرشيدة مش مهم لأن الحكومة بتقول عن نفسها إنها ممكن تعملك كل الحاجات اللى فى نفسك و ما تكونش

راضى عنى زى الإبن الجاحد اللى امه أو أبوه بيقطعوا نفسهم عشانه و هوة مصر إنهم مستقصدينه و ما بيحبهوش و بيفضلوا أخوه

التانى عليه و زى الزوجة اللى دايما مقطعه فروة جوزها و محملاه كل مشاكل العالم التالت و الرابع و الخامس و هوة يا حرام

مظلوم دايما و عامل زى البغل و اللا الحمار اللى دايما بيلف على لقمة عيشه هوة و مراته و عياله .... يعنى مش مهم ترضى عنى !!

برضه الحكومة مش مصدقة اننا أكثر الشعوب فى العالم تشاؤما بالنسبة لولادنا و بيقول الموضوع فيه جوانب إيجابية كتير يعنى

الإستطلاع قال ولادكم بس.. يعنى حاجة واحدة بس .. لكن فيه حاجات كتير تانية كويسة و نقسم بالله العلى العظيم ان ولادكم في عين

حفيدى ننوس ابن ابنى جمال و فى عيون ممدوح اسماعيل و فى عيون أحمد عز و فى عيون صفوت الشريف و كمال الشاذلى

حتى بالامارة إن الأستطلاع قال اننا اكتر شعب نشعر بالأمان فى العالم ليه !!؟؟ لان كل حاجة مستقرة و كل الأمور مستتبة و كل شئ

تمام ودة اللى مخلى الناس شاعرة بالأمان و احنا بنوعدكم اننا ننمى الشعور دة عندكم بأننا نحسسكم أكتر بالإستقرار و محدش يسأل

عن إخوانا الفلسطينيين انهم رغم اللى همة فيه و حاسين بالأمان قبلنا لأن دة شأن داخلى و كل واحد يخليه فى حاله

و طول ما فيه نفس طالع و داخل يبقى و الله العظيم حادى لغاية الجوزة ما تخلص

بتشجع عصابة مين

تشير إحصاءات صادرة عن جمعية التجارة الإيطالية إلى أن عصابات المافيا أصبحت تسيطر على عشرين بالمئة من القطاع الخاص

الإيطالي. وقد أعلن ذلك في مؤتمر تعقده الجمعية في مدينة ميلانو

وذكرت الإحصاءات أن إيرادات عصابات المافيا الإيطالية تبلغ نحو مئة وثلاثة وثلاثين مليار دولار سنويا، أي ما يعادل خمسة عشر

بالمئة من الناتج القومي الإجمالي وذكرت وثيقة صدرت عن المؤتمر أن أنشطة التزوير أصبحت تشكل جانبا كبيرا من الناتج الصناعي

في إيطاليا وأشارت الوثيقة إلى أن إيطاليا أصبحت تحتل الآن المرتبة الخامسة بين أكثر دول العالم إنتاجا للسلع ذات العلامات

التجارية المزورة بعد تايوان وكوريا الجنوبية وتايلاند والصين وأوضحت أن عصابات المافيا تستثمر أرباح أنشطتها في شراء

العقارات والمستشفيات الخاصة ودور التقاعد ومتاجر السوبرماركت والفنادق والمطاعم وذكرت أن ثروات عصابات المافيا تكفي

لسداد الديون العامة لجميع بلدان أوروبا

اولا ربنا يزيدهم من نعيمه و بلاش احنا

ثانيا و الله عصابة محترمة انها تستثمر فى بلادها بالشكل دة و بالشفافية دى و بحجم الفلوس العملاق دة طب دى عصابة و عاملة كل

دة الدور و الباقى على حكوماتنا العربية اللى مابتعملش حاجة و ما بتعلنش عن حاجة و مش عايزة تعمل حاجة و زى مايكون بينها

و بيننا تار بايت من فضلكم يا حكوماتنا خليكم زى عصابات المافيا

انا عارف وجهة نظركم كويس و كمان مقدرها انتم عايزين تعملوا عصابات صغيرة متخصصة كل عصابة ليها حاجة دى للحديد و دى

للاسمنت و دى للزيت و دى للحج و دى للسكر و دى للدقيق و كل عصابة تعلن ميزانيتها و مصروفاتها و أرباحها بكل شفافية

و عارف كمان قصدكم و انتم طبعا دارسين إدارة و تخطيط مش عايزين تحطوا كل المقدرات فى إيد عصابة واحدة زى المافيا

عايزين توزعوا الشغل على الجميع عشانت ما يكونش فيه احتكار و الله فكرة عبقرية

و كل عصابة بسم الله ماشاء الله عاملة فروع فى كل محافظة و مديرية و قرية و مركز عشان تربى كوادر شابة عشان تشب على

خدمة الجماهير و احنا كمان نشب على حب العصابة دى من صغرنا

و كمان العصابة اللى نعرفها أحسن ميت مرة من العصابة اللى ما نعرفهاش

يابلاش

توقع مهندسو مشروع جلاكتك سوت أول فندق فضائى أن يبدأ عمل هذا الفندق في عام 2012 حيث سيسمح لضيوفه بالسفر حول

العالم في 80 دقيقة ونقلت رويترز عن مهندسى المشروع في برشلونة قولهم أن الفندق سيكون الأغلى في المجرة وأن تكلفة

الإقامة لمدة ثلاثة أيام تبلغ أربعة ملايين دولار.وأضاف المهندسون أنه خلال هذه المدة سيرى الضيوف الشمس تشرق 15 مرة في

اليوم وسيرتدون سترات مجهزة تمكنهم من الإلتصاق بحوائط حجراتهم مثل الرجل العنكبوت وبدأ فندق جلاكتك سوت كهواية لمهندس

الطيران السابق كلارامونت حتى قرر احد الشغوفين بالفضاء جعل الخيال العلمى واقعا بتوفير ثلاثة المليارات دولار المطلوبة

لبناء الفندق

أنا شايف إن 3 أيام بأربعة مليون دولار سعر كويس جدا بس المشكلة أنو بالدولار مش بالمصرى و انتوا عارفين انه من الصعب انك

تلاقى عملة صعبة اليومين دول بس لو كانوا خلوها بالاسترلينى أو اليورو كان لية سكة لكن الدولار ماليش سكة معاه خالص

و بعدين فعلا إنك تشوف الشمس بتشرق 15 مرة فى اليوم دى بصراحة تستاهل ال كام مليون دولار دوكهومة ياعم دة كل ما الشمس

تطلع كل يوم ببقى ناعى هم الفطار و المدارس و المواصلات و المصروف و طلبات المدام و المدير الرزل اللى مستنينى فى الشغل

و ببقى ناعى هم العراك و الشتيمة اللى باسمعها فى كل حتة و انا ماشى فى سكتى و ببقى ناعى هم طابور العيش و طابور التذاكر

و طابور السينما و المسرح و طابور كل حاجة تخيل انى اعمل دة 15 مرة كل طلعة شمس !!! خصوصا انى عرفت ان ال 4 مليون

دولار دول من غير الفطار

و بعدين فى ميزة فى أنه يخليك لازء فى الحيطة زى عمنا الراجل العنكبوت يعنى مش حتتحرك كتير و لا تروح هنا و هنا لازء فى

الفندق ... يعنى لا فيه فطار و لا مصروف و لا طوابير و لا أى حاجة عمال تنط و تطير و لا على بالك حاجة من الحاجات الغريبة

دية على فكرة عندى واحد صاحبى متعرفهوش ممكن يخلى المبلغ 3 مليون و 900 ألف دولار بسي تمشى معاكم دى

عموما خلوا تليفونى عندكم يمكن تشاوروا عقلكم زيرو مليار مليونين 900 ألف