اقتلك إزاى يا حبيبى يا إبنى؟!

في حادث غريب .. ساعد أب و أم   إنجليز ابنهم على الإنتحار بعد إصابته بالشلل وفقدان

الأطباء الأمل في جعله يمشي ثانية  وذكرت صحيفة صن  أن الأبوين البريطانيين مارك

وجولي لبيا نداء إبنهما داني (23 سنة ) وسافرا معه إلى سويسرا حيث ساعده

مسئولون في عيادة خاصة  على الإنتحار ومن المعروف أن القانون السويسري يتساهل

في موضوع مساعدة المرضى على الإنتحار فيما لا تجيز القوانين البريطانية ذلك

شوفوا يا ناس الرحمة بتاعة  الآباء الإنجليز انهم لبوا رغبة ابنهم الحبيب انهم يساعدوه

على الموت و على طول وافقوا عشان دى حرية شخصية و إنسانية بس يعملوا إيه و

القوانين عندهم لا تجيز عملية الإنتحار الإنسانى دة و عشان همة مثقفين و مطلعين

عرفوا إن سويسرا ما بتعقدش الأمور زى انجلترا و بتسمح بالإنتحار بس لو فيه سبب

إنسانى !! و حطوا ابنهم حبيبهم فى عيادة غالية جدا و متخصصة فى مساعدة الغلابة

اللى مش عايزين يعيشوا  ..  و تانى يوم راحوا يشاهدوا العملية الانسانية الكبيرة و هية

قتلابنهم و ملوا عينهم من المنظر النسانى دة و ما سابوش جثة ابنهم حبيبهم فى

سويسرا رجعوا بيها على بلدنا اللى هية أولى بينا و اللى حرمتنا من قتل إبننا فى بلده و

وسط جمهوره و صحابه و حبايبه  و بيفكروا يرفعوا قضية على الدولة عشان اللى عايز

بعد  كدة يقتل ابنه لازم يقتلوا فى بلده مش فى بلد غريب أو حتى صديق

جتكم القرف و جتكم نيلة تشيلكم  و أشوف فيكم يوم يا كفرة 

جلد حمار للبيع

اكتشف الصينيون أن الحمار المصري كله منافع  وأكدوا ذلك في دراسات علمية تم تحويلها إلى مشروعات

اقتصادية وصناعية تحصد الصين من ورائها الملايين ويمثل أول هذه المشروعات في استغلال جلود الحمير

حيث تستورد الصين كميات كبيرة من مصر وبعض دول العالم ليس لإنتاج الأحذية والمصنوعات الجلدية

الفاخرة وإنما لاستخلاص عقاقير ومنشطات جنسية أكدت الدراسات أنها بلا أي آثار جانبية

انا شخصيا عاجبنى  العقول الصينية  اللى بتعمل كل حاجة و بتفكر فى كل حاجة  و معندهاش حاجة صعبة

و لا مستحيلة و الحمار اللى احنا اكتفينا اننا نغنيله و نؤكد على اننا بنعزه أوى و احنا بنوصفه بأنه

غبى و مفيش أحمر منه آهى بلد شقيقة الله يهدها  بتجيب الجلد بتاع صاحبنا الحمار و بتعمل منه

منشطات جنسية و من غير أى آثار جانبية زى  الرفس و التنهيق

بس السؤال بيودوا اللحمة بتاعته فين لما يدبحه و ياخده الجلد بتاعه لغاية ما قريت خبر انه اتقفلت

محلات كبابجية شهيرة  ثبت ان اللحمة اللى بتقدمها للزباين لحم حمير   

و اتارى الصينيين مشاركين المحلات دى  يعنى الحمير وراهم .. وراهم سواء جلد و اللا لحم 

سرقة شاطىء

تمكن لصوص في جزيرة جامايكا من إحراج السلطات الأمنية والحكومة بعد أن تمكنوا من سرقة مئات أطنان الرمل الابيض من شواطئ

منطقة من المقرر إقامة منتجع بحري فيها إلا أن الشرطة فشلت في العثور على الجناة أو الرمل المسروق

وقدرت كميات الرمل الذي تمت سرقته بحمولة 500 تريلة  تشتبه الشرطة في بيعها لصالح منتجعات أخرى منافسة

شرطة هايلة و مصحصحة على الآخر أنها بتشتبه فى بيعها لمنتجعات تانية منافسة  و مش مصحصحة للخمسمية تريلة اللى عمالة

تنقلالرملة البيضة لمدة أسبوع  ولا نمرة اتاخدت ... و لا  تريلة اتصورت  ... و لا سواق اتقبض عليه   ... و لا رملاية وقعت من

التريلات ال 500  ...   و لا أى حاجة اتعملت خالص  عارفين ليه  ؟؟؟؟؟؟!!!!!!!!!!!!!!!!!!!

عشان كان عندهم حفلة اختيار ملكة جمال العالم اللى عمرها ما طلعت من عندهم 

منك لله يا ساركوزى

قضت إحدى محاكم باريس بأن يدفع طبيب متخصص في الجراحة حوالي 35 ألف دولار لأنه فشل في عملية لتجميل

أنف  زبونة طب دى مناخير فرنسية غالية برضة و متكلفة امال لو فشل فى تجميل الوش كله ...  كان دفعوه كام  و لو

مقدرش يعمل عملية الغضروف صح كان دفعوه كام  ...  و لو تسبب  فى  اصابتها بشلل رباعى  ... كان دفعوه كام و

لو اصابها بفقد القدرة على التحكم فى التبول و التبرز  ... كان دفعوه كام  و أما بقى  لو موتها ..  كان دفعوه كام  

و انا بقة بأتساءل لو  واحد فشل فى تجميل اقتصاد بلاده  طوال 30 سنة  نعمل فيه إيه  

و لو نفس الواحد  فشل فى تجميل التعليم طوال 30 سنه نعمل فيه إيه

و لو  فشل  نفس الواحد دة فى تجميل  المرور طوال 30 سنة نعمل فيه إيه 

و لو الواحد دة هوة هوة فشل فى تجميل غرقى البواخر و حرقى المسارح و قتلى القطارات طوال 30 سنة نهبب فيه إيه 

و السؤال الأهم إنه نفس الواحد دة اللى فشل فى تجميل نفسه للجماهير طوال 30 سنة  

و السؤال المحير لنفس الواحد دة إنه فشل فى تجميل ميدان رمسيس و ميدان التحرير و ميدان محطة مصر و مداخل

المطارات اللىهية وجهة البلد 

                                       منك لله يا ساركوزى 

الدم خلص

استطاع رجل سعودي أن يحتفل بعزاء وفرح في نفس اليوم ، حيث احتفل بزواج ابنه في مساء نفس اليوم الذي توفي فيه ابنه الآخر وذكرت

صحيفة "الجزيرة" السعودية أنه على الرغم من تقدم الأب للمصلين ظهرًا لصلاة الجنازة ودفن ابنه في المقبرة إلا أنه كان على رأس

الحضور في الاحتفال بزواج ابنه في قصر الأفراح في صورة جسدت مدى قوة إيمانه وصبره

البقاء لله يا عم الحاج و ألف مبروك يا عريسنا  طبعا إيمان كبير للراجل الكبير و منتهى السخافة للولد الصغير اللى لسة أخوه ميت و

بيندفن الضهر و هوة بيتجوز العشاء  لكن على العموم هوة برضة زعلان على اخوه الفترة الكبيرة دى من الضهر للعشاء

و الله كتر خيره و انا اعرف ناس بيتجوزوا و جنبهم الجثة لسة ماندفنتش    

حاسب من فنجان القهوة

كشفت دراسة علمية أن حكمنا على الآخرين يمكن أن يتأثر بحرارة فنجان قهوة نمسكه بيدنا، وبينت التجارب التي اجريت ان الاشخاص

يعتبرون الآخرين اكثر سخاء وانتباها ان كانوا يحملون فنجان قهوة ساخنا منه عندما يمسكون فنجانا فيه مشروب بارد

و الله الناس دول لذاذ خالص انهم قدروا يجيبوا علاقة بين القهوة و الحكم على الناس اللى كان زمان بيتقاس بالتعامل و البيع و الشراء و

السفر و بعد كدة بقى بيتقاس بالخبرة  و بعدين بقى بيتقاس بالإحساس  لأ دلوقتى بقى بيتقاس بفنجان القهوة و بكرة أكيد حا يتحسب

بالنسكافيه و الكابتشينو  

ملك عليه مليون بس

يواجه ملك نيبال  السابق  جيانيندرا وعائلت دين ثقيل  وهو تسديد فاتورة كهرباء بقيمة مليون دولار وإلا فإن السلطات ستقطع التيار

الكهربائي عن جميع قصور العائلة ومنازلها. ومنحت مصلحة الكهرباء النيبالية الملك السابق وعائلته 15 يوما لتسديد الفاتورة وإلا

ستضطر إلى قطع الكهرباء عن جميع العقارات التابعة لهم 

السؤال اللى بيطرح نفسه هوة كان عنده كام جهاز كهربى غير  الأجهزة المعروفة اللى عندنا ؟

السؤال التانى هية عيلته دى أد إيه عشان يستهلك كل دة ؟

السؤال التالت كان فين المسئولين دول لما ما دفعش 100 ألف دولار الأولانية ؟ 

السؤال الرابع هل لو كان فى الخدمة كان حد قدر يفتح بقه ؟

و التساؤل دلوقتى هل حا تفتح كل المؤسسات النيبالية دفاترها القديمة  و تطالب الملك السابق بكل اللى عليه

يا لهوى

وافق زعيم ديني نيجيري علي حكم إسلامي يجبره علي طلاق 82 من زوجاته ال86 والإبقاء علي 4 منهن فقط ، ليتمكن بذلك من تفادي حكم صدر باعدامه اذ لم يلتزم بالشريعة الاسلامية التي تحدد الزوجات باربع فقط .

نشكر للزعيم الدينى نزوله على حكم الشرع الاسلامى حتى لوكان خايف من الاعدام او السجن لأن السجن للجدعان و الإعدام للفرسان أنا أتحدى لو كان يقدر يتعرف على عشرة منهم ... و بعدين فين العدل و القسطاس يعنى إشمعنى طلق دى و خلا دى مع إنى أعرف أن الشعب النيجيرى الشقيق كله فولة و إنقسمت 140 مليون فولاية صغيرة و دة عدد سكان نيجيريا رجالة و ستات

و بعدين كان فين أعضاء المحكمة الموقرين لما إتجوز الخامسة أو العاشرة أو حتى التلاتين أو حتى الخمسين و فين أهالى الستات دول اللى رموا بناتهم للزعيم دة و فين البنات دى أصلا ليه مهربوش من الجوازة المهببة دى .. و فين الزعيم الدينى دة من تعاليم الإسلام و اللا سيادته زعيم أونطة زى ناس صحابى متعرفوهومش

و الله نفسى أشوف شكل الزعيم الدينى دة و أشوف صحته كانت إزاى و بقت إزاى بعد كل اللى هببه دة

الحقونى حاتخنق !!!

حتي ترتاح من تأنيب ضميرها حرقت امرأة ألمانية أموالاً سرقتها تقدر بآلاف اليورو،فقد قامت الموظفة 31 عاما بسرقة الأموال من خزينة الشركة التي تعمل بها واعترفت بأنها أودعت الأموال التي سرقتها في بادئ الأمر عند إحدي صديقاتها لكنها قامت بعد ذلك بحرق الأموال في وعاء ثم ألقت رمادها في أحد الحقول. وعثرت الشرطة علي بقايا العملات المحروقة في الحقل

مبدأيا نسأل الله لها راحة الضمير بعد ما حرقت الفلوس و الفلوس دى يورو يا جماعة .. يورو يعنى الجمال ... يورو يعنى الثقة .... يورو يعنى العظمة ... لو حد منكم شاف اليورو لازم يضربله تعظيم سلام و يرفعله القبعة لو كان لابس قبعة أصلا

يعنى لما ضميرها نقح عليها قوى بالشكل دة مرجعتهومش ليه للشركة بتاعتها و الله حرام عيلك يا ستى ... السرقة و الحريقة ... نفسى أشم ريحة حرق اليورو أو حتى الاسترلينى

شوربتك إيه ؟؟؟!!!

نجح أربعة طهاة سعوديين في دخول موسوعة جينيس للأرقام القياسية بإعدادهم لأكبر طبق شوربة في العالم ، وذلك في أحد المراكز التجارية في جدة وسط حضور إعلامي كبير ويحتوى الطبق على 250 كيلوجراما من شوربة كويكر و أكثر من 500 كيلوجرام من البصل، وأكثر من 400 كيلوجرام من الطماطم إضافة إلى الملح والفلفل الأبيض والبقدونس والكزبرة والريحان والثوم ، وسيدخل موسوعة جينيس في طبعتها لعام 2010

الحمد لله رب العالمين أخيرا دخل العرب موسوعة جينيس لكن من باب البطون كنا نتمنى دخول الموسوعة العالمية من باب الفضاء أو من باب الإختراعات أو من باب الإكتشافات لكن للأسف دخلنا من باب البصل و الطماطم فين الأدباء و العلماء و فين المفكرين و الأطباء و فين العلميين و المهندسين و بعد بحث و تدقيق لقيتهم بيشربوا الشوربة اللى فاتت و عليه العوض و منه العوض