اللى حايركب عجلة ياخد 2000 جنيه فى الشهر

جعلت الحكومة الهولندية استخدام العاملين بالقطاع العام الدراجة للذهاب إلى أماكن عملهم أكثر جاذبية، حيث يستطيع ما يُقدر بـ 123

ألفا من العاملين بالقطاع العام الحصول على 282 يورو شهرياً كبدل تنقل بالدراجة إلى أماكن العمل في الوقت الذي يظل ما يتقاضاه

من يستخدمون السيارة لا يتعدى الـ 45 يورو في الشهر، ويوجد في هولندا حاليا 18 مليون دراجة بينما تعداد البلاد 11 مليون نسمة

مما يظهر اهميتها بالنسبة للمواطن هناك

إيه اللى بيحصل دة يا عالم همة أصلا بيدوا بدلات للعربيات عشان يدوها للعجل اللى هية رمز التخلف فى بلادنا العربية و كل الحقراء

همة بس اللى بيركبوها لكن شوفوا الجمال عشان يقللوا التلوث اللى هوة أصلا مش موجود عندهم و كمان عشان يقللوا الزحمة

اللى برضه هية مش موجودة تلاقى الراجل منهم لابس آخر أبهة بدلة و كرافتة و منديل و راكب عجلة آخر موديل و ماشى و هوة آخر

سعادة أنه محافظ على نضافة و هدوء بلده مش ماشى و هوة آخر بهدلة و بوزه قدامه شبرين و بيفكر إزاى حايبهدل اللى حايقابله

و إزاى حايعكنن على عباد الله و إزاى حايدمر مقدرات بلده و إزاى حايخم عسكرى المرور و يكسر الإشارة و يمشى فى الممنوع

بلا نيلة حاجة تقرف

فوائد الشرشحة

قرر فلاح مصري إنهاء حياة زوجته بعدما رفضت البكاء في جنازة والده والتي امتلئت بأصوات نحيب النساء الأخريات . وعندما عاد

للمنزل عاتب زوجته على عدم بكائها فنشبت مشاجرة بينهما قام على اثرها بالامساك بسكين وطعن بها زوجته وفر هاربا

حادثة كبيرة فعلا لكن الله يرحمها هية السبب فيها إيه لو كانت رقعت كام صوت حيانى و خلصت نفسها لأنها دايما بترقع بنفس الصوت

دة لما الولة بيسمعش كلامها و اللا البنت اللى طنشتها أو حتى لما جوزها نسى يجيب الحاجات اللى كانت موصياه عليها يجرى إيه

لما تشاركى بكام تصويتة عشان تثبتى حبك لحماك العزيز و مؤازرتك لجوزك حبيبك و تعرف الدنيا كلها وفائك لعيلة جوزك

لكن نفذ القدر و اتعلموا يا نساء مصر و لازما لازما تعيطوا و تصوتوا و تشرشحوا عشان تضمونوا الحياة فى المحروسة

و الله عال يا حمير

تجمّع مئات اللبنانيين في ساحة بلدة بجنوب لبنان للاستمتاع بمشاهدة تصفيات سباق غير تقليدي للحمير يقام منذ 45 عاماً .

ويحصل الفائز الأول من الحمير على ما قيمته 150 دولارً من الشعير والثاني والثالث على مائة دولار،

فيما تحصل باقي الحمير المتسابقة على جوائز بقيمة 50 دولاراً لكلّ منها .

و الله اللبنانيين دول ناس عسل قوى الحرب شغالة ... و التهديدات على ودنه ... و يا دوبك لسة متفقين على الرئيس بتاعهم و همة

قال إيه عاملين سباق للحمير و كمان الجايزة بالدولار يعنى الكل كسبان كسبان على الاقل 50 دولار مش عايز أقول كان نفسى

أشترك فى السباق داهون و أطلع الأخير حتى ... لكن ربنا سبحانه و تعالى كرمنى و خلانى بنى آدم لكن اللى منعنى من كدة إن

الجايزة شعير مش نقدى

بناقص الميداليات بتاعتهم

أرجع أول بطل أوليمبي للصين فى الملاكمة انتصاره الخاطف الذي ضمن لبلاده الميدالية رقم 50 في أولمبياد بكين إلى نظام تغذية

يعتمد على الهامبورجر والبيتزا. وقال الملاكم الصيني وهو يبتسم " فى الفترة الأخيرة كنت أتناول البيتزا والهامبورجر، أنا أستمتع

بالطعام الغربى ، البيتزا مذاقها جيد للغاية ". وأضاف " الطعام الصينى ملىء بالدهون لذلك أتناول الطعام الغربي يساعدنى كثيرا عندما

أحاول التحكم فى وزنى

أنا أعتقد أن هذا البطل متعاقد مع شركة غربية ليقول هذا الكلام لأنى أول مرة أعرف أن البيتزا و الهمبورجر يصنعان بطلا أوليمبيا

لأننا طول عمرنا بناكل البيتزا و الهمبوجر و ما أخدناش و لا ميدالية وعلى فكرة كرم جابر مكانش بيحب البيتزا و لا كان بيعتمد عليها

شغال مع اللحوم و الأسماك و الكوارع و كل النشرات الطبية بتحذر من أكلهم و أنا أعرف نشرات انتوا ما تعرفوهاش بتحذر من

البص عليها مش أكلها