في حادث غريب .. ساعد أب و أم إنجليز ابنهم على الإنتحار بعد إصابته بالشلل وفقدان
الأطباء الأمل في جعله يمشي ثانية وذكرت صحيفة صن أن الأبوين البريطانيين مارك
وجولي لبيا نداء إبنهما داني (23 سنة ) وسافرا معه إلى سويسرا حيث ساعده
مسئولون في عيادة خاصة على الإنتحار ومن المعروف أن القانون السويسري يتساهل
في موضوع مساعدة المرضى على الإنتحار فيما لا تجيز القوانين البريطانية ذلك
شوفوا يا ناس الرحمة بتاعة الآباء الإنجليز انهم لبوا رغبة ابنهم الحبيب انهم يساعدوه
على الموت و على طول وافقوا عشان دى حرية شخصية و إنسانية بس يعملوا إيه و
القوانين عندهم لا تجيز عملية الإنتحار الإنسانى دة و عشان همة مثقفين و مطلعين
عرفوا إن سويسرا ما بتعقدش الأمور زى انجلترا و بتسمح بالإنتحار بس لو فيه سبب
إنسانى !! و حطوا ابنهم حبيبهم فى عيادة غالية جدا و متخصصة فى مساعدة الغلابة
اللى مش عايزين يعيشوا .. و تانى يوم راحوا يشاهدوا العملية الانسانية الكبيرة و هية
قتلابنهم و ملوا عينهم من المنظر النسانى دة و ما سابوش جثة ابنهم حبيبهم فى
سويسرا رجعوا بيها على بلدنا اللى هية أولى بينا و اللى حرمتنا من قتل إبننا فى بلده و
وسط جمهوره و صحابه و حبايبه و بيفكروا يرفعوا قضية على الدولة عشان اللى عايز
بعد كدة يقتل ابنه لازم يقتلوا فى بلده مش فى بلد غريب أو حتى صديق
جتكم القرف و جتكم نيلة تشيلكم و أشوف فيكم يوم يا كفرة
هناك 4 تعليقات:
شارك في الحملة الشعبية للقيد بالجداول الانتخابية بوضع بنر الحملة علي مدونتك.
البنر موجود علي مدونتي
استاذي .....
حقيقي انا سمعت كتير عن امهات واباء ضحوا بكلاهم واجزاء من الرئة وقطع من اللحم بل وحتى الاعين لصالح ابناءهم فلذات اكبادهم ...... هذا في عالمنا الاسلامي
اما في الغرب فلا عزاء على التضحية من اجل الابناء نعم اضم صوتي الى صوتك :
جتكم القرف و جتكم نيلة تشيلكم و أشوف فيكم يوم يا كفرة
اخى الحبيب / احمد
اولا اشكرك على زيارتك لمدونتى المتواضعة و كأنك زرتنى فى بيتى بالظبط
و فعلا حاجة تقرف لكن كل يوم نتأكد من جمال ديننا و قيمنا و مناسبته للتطبيق فى أى وقت و أى مكان بس فين النفس اللى تطبق
الأستاذ / الحسينى
أشكر لك جدا تشريفكم و شكرا لتذكيرى بموضوع التسجيل فى الجداول الإنتخابية بس حضرتك شايف إنه أمر مهم رغم عدم إشراف القضاة و سطوة الأمن و سيطرة المال
إرسال تعليق